المــســابــقــة الــرمــضــانــيــه ((سارع بتسجيل اسمك))

السلام عليكم

بمناسبة حلول شهر رمضان المعظم أعاده الله علينا وعلى امة المسلمين بالخير

نقدم اعلان المسابقة الرمضانية فى الخيمة الرمضانية
وتكون كالآتى:

يتكون فريق من 6 اعضاء
3 شباب و3 بنات

وذلك بناء على ترشيح من الاعضاء لأنفسهم للاشتراك فى المسابقة
وشروط الترشيح هى:

1- الوصول لعدد 100 مشاركة
2- التواجد بصفة مستمرةوالمشاركة الفعالة للرقى من مستوى المنتدى

3- الاجابات على رسائل خاصة للى بيقدم المسابقة

تعريف بالمسابقة

المسابقة يومية في الخيمة
بين فريقين سيتم تنظيمه حسب جدول بين الفرق المختلفة

وبالنسبة للاسئله

تكون في خمس فروع

ديني

فني

علمي

رياضي

ترفيهي

في انتظار تسجيل الاعضاء لتكوين الفريق

وترشيح الاعضاء مستمر

ان شاء الله

والمشرف على هذه المسابقة المدير العام

والله دي هتبقي مسابقه جميله

بس شروطها صعبه شويا لان مفيش عضو وصل للمشاركه رقم 500

عموما انا معاكم وهكون من اول المسجلين في فريق المدير العام

Admin عدد المساهمات : 281 تاريخ التسجيل : 29/07/2009

اولا مرحبا بك فى فريقى
ثانيا بالنسبة للشروط
خلاص نخففها شوية ونخليها 100 اظن كده هتكون حلوه صح ولا اخفف اكتر من كده

كده تمام حبيبي
هيبقا في فرصه لعاشقه المصطفي ول إيمان ول قدوتها رسولها لانهم قربو من المشاركه الميه

السلام عليكم ورحمة الله وبركاته
جزاكم الله كل خير على دعوتكم الكريمة لنا بحضور هذا المنتدى
وجعله الله زخرا للاسلام والمسلمين لا بابا تنطلق منه الفتن ولكن بابا لرد الفتن عسى ان يكون ثغرة من ثغور الاسلام ونحن نقف عليها
بصراحة دى اول مشاركة لى فى المنتدى
يعنى الله المستعان لحد ما اوصل ل 100
بس كنت عاوزة اوضح بعض الاشياءالاخت الى كاتبة الموضوع قالت 4 اعضاء 3 بنات 3 شباب
اولا الاخت اكيد تقصد 6 وليس اربعه عدد كل مجموعه
ثانيا لماذا بنات وشباب يعنى ليه الاختلاط
وليه مش تكون المسابقة الاخوات وحدهم والاخوة وحدهم
ثالثا ودى الاهم اين انتم من رمضان
يعنى سمعت الدكتور حازم شومان فى درس له اسمه " اغلى ايام حياتى " وهى شهر رمضان الكريم وفى هذا الدرس فضل انعزال الشاشتين اى شاشة الدش والنت
وحضراتكم تشجعون الاخوة والاخوات على ما يسمى بالخيمة الرمضانية والشخص الذى يكون مشاركات اكثر ويتواجد وقت اكثر بالمنتدى واختلاط
كل ذلك ستفعلونه بشهر رمضان ؟
فاين استعدادكم للضيف الكريم ؟
اين خططكم لرمضان ؟
اين لن يسبقنى الى الله احد ؟
اتعلمون ان اذا جائت اول ليله من رمضان نظر الله الى بعض العباد ومن ينظر له الله لا يعذبة ابدا فاحرصوا ان تكونوا فى انتظار هذا الضيف وليس هو من يكون فى انتظاركم واحرصوا ان تكونوا اول ليله برمضان بين يدى الله عسى ان تكونوا ممن ينظر اليهم فلا تجعلوا الله ينظر اليكم وانتم جالسون امام شاشة الدش او النت او فى هذا المنتدى بل احرصوا ان تكونوا بين يدية سواء بقراءة قران او ركيعات عسى ان يوقع عليكم اختيار الجبار ونكون ممن ينظر لهم فى تلك الليله فلا يعذبنا ابدا .
بوركتم ومعذرة كان نفسى اشترك فى اى مسابقة لتنمية المعلومات ولكن
لا للنت فى رمضان
لا للدش فى رمضان
فقط الله والجنه ورمضان وانا .

اولا مرحبا بك في هذا الملتقي الكريم
واضح من لام حضرتك انك دمث الاخلاق والاسم إلي اخترتو مش جاي من فراغ ربنا يزيدك خلقا وعلما امين يارب
ثانيا والله انا حبيتك من اول مقال ليك وابقي سعيد لو تبعتلي ميلك وتقبلني صديق
ثالثا انا مقدرش اعارض حضرتك في كلمه من كلامك لان كلو صح
رابعا احنا مش بنشجع الاختلاط ذي محضرتك تفضلت والله هذا ليس بهدفنا او غايتنا ولاكن للاستفاده من هن المعلومات ولو كان في نسبه مشاركه كبيره من الشباب كنا عملناها بس للاسف نسبه إلي بيشركو من الشباب قليله وان شاء الله هننظر في امر هذه المسابقه

خامسا المنتدي هذا ديني اجتماعي
ليس حكرا علي الأخوه دون الاخوات وانا شخصيا بعتبر ان اي مقال يتحط سواء من أخ او اخت ويبقي في افاده في اي مجال سواء ديني او علمي او طبي او اي مجال ده يبقي من قبيل الاعمال الجاريه ان شاء الله
‏ ‏
سادسا مين قال ان احنا هنضيع رمضان او هو إلي هيستقبلنا مش احنا إلي هنستقبلو بالعكس والله اخي
انا اؤيدك في اننا ندخل بحساب وللضروره لو في مواضيع هيستفاد منها الاعضاء او هتعينو علي صيام صحيح من فقه صيام وخلافو لاننا عارفين واظن ان كل الاعضاء عارفين ان ده شهر عباده مش نت إلا للضروره من استماع لدرس علم او غيرو

سابعا انا اسف للاطاله
وبجد انا سعيد ان حضرتك موجود معانا وحاسس ان شاء الله ان مواضيعك هيكون ليها صدي كويس وطيب في نفوس الاعضاء واسأل الله ان يبلغنا هذا الشهر العظيم وان يوفقنا فيه إلي مافي نفع وخير لنا
احبك في الله ومتنساش الميل
وجزاك الله خيرا

بالنسبه للشروط الشرط الاول مش مشكله لو اعضاء جدد وعوزين يشاركوا مفيش مشكله
والشرط التاني الهذف من البقاء في المنتدي اني احنا ديما هنحط محاضرات اسلاميه وقصص ومش عوزين الحجات دي تفوتكم يعني عوزينك تتبعوا معاان اول باول
ول عوزين نخلي فريق شباب وفريق بنات مفيش مشكله يبقي احسن

انا بعتها لاصحابي وهنعمل فريق من 6 بنات

انا موافق يااختى
نخليها بنات الاول
ولو نجحت هنكمل احنا كمان

السلام عليكم ورحمة الله وبركاته
اولا انا بعتذر اذا اسئت لاحد
انا طبعا لم اقصد بكلامى انكم تدعون الى الاختلاط او تشجعون له
بعتذر ما قصدت وجزاكم الله كل خير لاختى عاشقه لتلبيتها الدعاء وتكوين فريق اخوات فقط اعتقد انه افضل وجزاكم الله كل خير للاخ عاشق الشهادة اسلوب حضرتك ما شاء الله اكرمكم الله تشرفت بمعرفتكم وانضمامى الى جمعكم الطيب بس للاسف ابى هيشيل النت اول ليله برمضان الحمد لله وقدر الله وما شاء فعل كنت اتمنى انضم للاخت عاشقه وفرقتها لا تنسونا من صالح دعائكم والمسلمين بكل مكان ونلقاكم فى القريب ان شاء الله .

عاشقه المصطفى ......... احبك فى الله
اختكم راقى باخلاقى

اولا انا بعتذر انى طلبت ميل حضرتك
لان كنت فاكر حضرتك ولد مش بنت
ثانيا انا سعيد جدا بيكى وبكلامك
ويعلم الله ان لي هذا هدفنا
وان شاء الله هنستناكى بعد رمضان ان شاء الله اذا مادخلتى
وجزاكى الله خيرا

لا عليكم اعلم انكم ظننتونى اخا
وجزاكم الله كل خير ونحن الاسعد بانضمامنا لكم
ان شاء الله نلتقى بعد رمضان لان هذا اخر يوم لى
بالله عليكم اجمعين ادعوا لى بختم القران نفسى اكون زى عاشقه
انتى قدوتى الان يا عاشقه لما ارجع من رمضان ان شاء الله
هبلغكم حفظت كم جزء وبالله ادعولى بتيسير الحفظ لاحسن سورة النساء
الله المستعان ربنا ييسرها لى
وبوركتم ولا تنسوا اخوانكم المسلمين فى الصين وفلسطين
لهم الله

يا روحي والله فكرتك جدع انا اسفه واتمني اميلك هههههههه
ومنتظرينك بعد رمضان يا جميل اوعي تتاخري

جدعع
شكلك اسكندرانيه
هههههههه
والله انتى شكلك لذيذة
المهم هديكى ميلى بعد رمضان ان شاء المولى واطال باعمارنا حتى نلتقى ان لم يسترد امانته
عشان يا عاشقه بصراحة كدة لو عطتهولك دلوقتى عارفه نفسى هموت وارغى معاكى وانا عاهدت ربنا ان ان شاء الله هذا اخر يوم لى عشان استعد لحبيب قلبى رمضان ان شاء الله
ماشى يا قمر مش تنسى بعد رمضااااااااااااان
وبالله ادعيلى اكون زيك بالقران نفسى اشترك فى مسابقه واحدة بس فى حياتى حتى لو محليه مش لازم دوليه زيك
دى مش اكتئاب ولا احباط على فكرة دى تفااااااااااااؤل

انا مش اسكندرنيه انا من الشرقيه وعلي العموم انتي شكلك لبنانيه صح
انا في علبه الدردشه لو مش مشغوله ادخلي

انا هسيب بس لحضرتك دعاء
اسأل الله العظيم رب العرش الكريم ان ييسر لكي حفظ كتاب الله وان تكوني مثل اختنا عاشقه المصطفي إلي رافعه اسم بلدنا هي واخيها بحفظهم كتاب الله
واسأل الله ان يحشركم مع الخنساء وفاطمه وسميه وغيرهم ان شاء الله

مشرف عدد المساهمات : 24 تاريخ التسجيل : 01/08/2009

انا موافق علي المسابقه وارجو ان اكون من المنضمين لها

» كيف تعرف شخصيتك من اول حرف انجليزي من اسمك